Blog

Семейде қазақстандық қой шаруашылығының экспорттық әлеуеті талқыланды

by Almagul 25.09.2025

Бүгін, 2025 жылғы 25 қыркүйекте, Семей қаласында отандық қой шаруашылығын дамыту мәселелеріне арналған Халықаралық семинар-кеңес өтті. Іс-шараға Абай облысының әкімі Берік Уали, ҚР Ауыл шаруашылығы министрлігінің өкілдері, ҚР Ұлттық аграрлық ғылымдар академиясы, Шәкәрім университеті, сондай-ақ Қазақстан, Пәкістан және Оман елдерінің жетекші сарапшылары қатысты. Кездесудің негізгі тақырыбы – кооперация тетіктерін енгізу, мемлекеттік қолдау шараларын тиімді пайдалану және инвестиция тарту арқылы қой шаруашылығының экспорттық әлеуетін арттыру болды.

Абай облысының әкімі Берік Уали кіріспе сөзінде өңір экономикасында қой шаруашылығының айрықша маңызға ие екенін атап өтті, өнімді экспортқа шығару фермерлердің табысын едәуір арттыратынын жеткізді.

ҚР Ұлттық аграрлық ғылымдар академиясының президенті Тлектес Есполов саланың тұрақты дамуы үшін ғылымды, бизнесті және мемлекеттік институттарды біріктіру қажет екенін айтты.

Бағдарлама аясында «ҚазАӨК экономикасы және ауылдық аумақтарды дамыту ҒЗИ», «Еуразия АгроСемей», Қазақстан фермерлер қауымдастығы, «Ауыл» партиясының өкілдері, сондай-ақ шетелдік ғалымдар сөз сөйледі. Қой тұқымын асылдандыру, кооперацияны дамыту, халал стандарттарын енгізу және халықаралық әріптестікті ілгерілету мәселелері қаралды.

Жиын соңында Абай облысы әкімдігі, ҚР Ұлттық аграрлық ғылымдар академиясы және ҚазАӨК экономикасы және ауылдық аумақтарды дамыту ғылыми-зерттеу институты арасында меморандумға қол қойылды. Қатысушылар Шәкәрім университетінің зертханаларын және «Еуразия АгроСемей» компаниясының құрылыс алаңдарын аралады.

Аграрлық ғылымның болашағы: Таразда саланы дамытудың жаңа жолдары талқыланды

by Almagul 19.09.2025

2025 жылғы 19 қыркүйекте Жамбыл облысының Тараз қаласында Шерхан Мұртаза атындағы Халықаралық Тараз университетінің базасында Қазақстан Республикасы Ұлттық аграрлық ғылымдар академиясының көшпелі сессиясы өтті. Шара Қазақ агроөнеркәсіптік кешен экономикасы және ауылдық аумақтарды дамыту ғылыми-зерттеу институтымен бірлесіп ұйымдастырылды.

Негізгі тақырып — «Аграрлық ғылымның дамуы: өзекті мәселелер мен жаңа мүмкіндіктер».

Көшпелі сессия жұмысына Жамбыл облысы әкімінің бірінші орынбасары Нұржан Календеров, Шерхан Мұртаза атындағы Халықаралық Тараз инновациялық институтының ректоры Махметғали Сарыбеков, облыстық ауыл шаруашылығы басқармасының өкілдері, жоғары оқу орындары мен ғылыми-зерттеу институттарының басшылары, «Атамекен» ҰКП, Қазақстан фермерлер қауымдастығының өкілдері және БАҚ қатысты.

Жиында аграрлық ғылымды дамытудың маңызды бағыттары талқыланды: су үнемдеу технологияларын енгізу, цифрландыру, көміртекті егіншілік, фитосанитария, мал шаруашылығы және азық-түлік қауіпсіздігі мәселелері. Ғылыми жетістіктерді инновацияға айналдыру мен коммерцияландыруға ерекше назар аударылды.

Сессия тәжірибе алмасудың, ортақ шешімдер қабылдаудың және елдің агроөнеркәсіптік кешенін тұрақты дамытуға жаңа мүмкіндіктер іздеудің тиімді алаңына айналды.

ҚазҰАПКЭҒЗИ-де жапондық «ақылды» жылыжай технологиялары таныстырылды

by Almagul 19.09.2025

Қазақ ауыл шаруашылығы экономикасы және ауылдық аумақтарды дамыту ғылыми-зерттеу институтында (ҚазҰАПКЭҒЗИ) Ұлттық аграрлық ғылым академиясымен бірлесіп Жапониядан келген делегациямен кездесу өтті. Қонақтар қатарында Megumi Corporation Ltd., Nagashima Holding Company, Toyotane Co. Ltd., Sanshin Metal Working Co. Ltd. компанияларының басшылары мен өкілдері болды.

Жапон мамандары гидропоника саласындағы инновациялық шешімдерін таныстырды. Атап айтқанда, DFT (су тереңдігі 10 см) және NFT (су тереңдігі 2 см) әдістері арқылы жылыжайларда өсімдіктерді тігінен өсіру тәжірибесі көрсетілді. Мұндай тәсілдер жерсіз аймақтарда, соның ішінде шөлейтті жерлерде де көкөністерді, жемістерді, ағаштарды, дәнді дақылдар мен дәрілік өсімдіктерді өсіруге мүмкіндік береді. Сонымен қатар, жапондық компаниялар гидропоника бойынша тағылымдамалық оқыту бағдарламаларын ұсынатынын атап өтті.

Қазақстандық ғалымдар елімізде қолданылып жүрген гидропоника мен аквапоника тәжірибесімен бөлісіп, қызылша, микрожасыл өнімдер, бұталы ағаштар мен құлпынай өсіру бағытындағы жетістіктерін таныстырды.

Кездесу барысында ғылыми-зерттеу саласында әріптестік орнату, инвестиция тарту және мамандар даярлау мәселелері талқыланды. Тараптар ұжымдық меморандумға қол қоюға және жапондық жылыжай технологиялары мен ноу-хауын Қазақстанның агроөнеркәсіп кешеніне енгізу бойынша бірлескен жобаны іске асыруға уағдаласты.

Қазақ ауыл шаруашылығы экономикасы және ауылдық аумақтарды дамыту ғылыми-зерттеу институтында Президент Жолдауы талқыланды

by Almagul 17.09.2025

2025 жылғы 16 қыркүйекте Қазақ ауыл шаруашылығы экономикасы және ауылдық аумақтарды дамыту ғылыми-зерттеу институтының мәжіліс залында Қазақстан Республикасы Президенті Қасым-Жомарт Тоқаевтың халыққа арнаған «Жасанды интеллект дәуіріндегі Қазақстан: өзекті міндеттер және оларды цифрлық трансформация арқылы шешу» атты Жолдауын талқылауға арналған кеңейтілген отырыс өтті. Отырысты ҚР ҰҒА академигі, ҰҒАА Президенті Тілектес Исабайұлы Есполов жүргізді.

Жиынға офлайн форматта 45 адам, онлайн режимде 27 адам қатысты. Бұл ғылыми қауымдастықтың кең өкілдігін қамтамасыз етті.

Бүгінгі күні Академия Президиумының құрамында 15 толық мүшесі бар, соның ішінде 12 академик отырысқа қатысты.

Кіріспе сөзінде Академия басшылығы Президент Жолдауының аграрлық ғылымды дамыту, саланы цифрландыру, инновацияны енгізу және ауыл шаруашылығының бәсекеге қабілеттілігін арттыру үшін маңыздылығын атап өтті.

Кеңейтілген мәжіліске белгілі ғалымдар мен салалық ұйымдардың басшылары қатысты, олардың ішінде:

ҚР ҰҒА академигі, Академия Президентінің кеңесшісі Владимир Григорук;

ҚР ҰҒА академигі Алтынбек Молдашев;

ҰҒАА ҚР Бірінші вице-президенті Есенбай Исламов;

Академия вице-президенттері Төлеутай Рахымбеков, Ерлан Байдәулет, Галия Әкімбекова;

Академияның салалық бөлімшелері мен ғылыми-зерттеу институттарының басшылары.

Жиын барысында қатысушылар аграрлық секторға жаңа технологияларды енгізу, кадрларды даярлау және ғылыми байланыстарды нығайту мәселелеріне ерекше назар аударды.

Қазақстан Парламентінің депутаты, «Қазақстан ғалымдар одағы» қауымдастығының президенті, академик Оразалы Сабден ғылыми бастамаларды қолдаудың маңыздылығын атап өтіп, Президент Жолдауы саланы одан әрі дамытуға стратегиялық бағдар беретінін жеткізді.

Отырыстың қорытындысы бойынша Президент Жолдауында көрсетілген міндеттерді іске асыру бойынша ұсыныстар мен ұсынымдар әзірлеу туралы шешім қабылданды.

Қазақстан мен Жапония күш біріктірді: «ақылды» жылыжай өндірісіндегі жаңа көкжиектер

by Almagul 15.09.2025

Бүгін, 2025 жылғы 15 қыркүйекте, АӨК экономикасы және ауылдық аумақтарды дамыту ҚазҒЗИ-да «ақылды» жылыжай технологиялары саласындағы жетекші жапон компанияларының басшылары мен өкілдері қатысқан кездесу өтті. Қонақтар қатарында — Megumi Corporation Ltd. компаниясының негізін қалаушы әрі акционері Кейчи Хоригомэ (Keichi Horigome), Nagashima Holding Company директор өкілi Хисанао Тсубой (Hisanao Tsuboi), Toyotane Co.Ltd. компаниясының директоры әрі атқарушы директоры Шиничи Миура (Shinichi Miura), Sanshin Metal Working Co.LTD компаниясының сату және ғылым бөлімінің менеджері Казуюки Матсубайши (Kazuyuki Matsubayashi) және сату және ғылым бөлімінің бастығы Кайшу Шимазу (Kaishu Shimazu) болды.

Кездесуге төрағалық еткен — Қазақстан Республикасының Ұлттық аграрлық ғылым академиясының (ҰАҒА) халықаралық байланыстар жөніндегі вице-президенті, халықаралық сарапшы Е.А. Байдәулет.

Іс-шараға сондай-ақ Қазақстан Республикасының Ұлттық аграрлық ғылым академиясының (ҰАҒА) президенті, ҚР ҰҒА академигі Т.И. Есполов және ҚазҒЗИЭАӨКжАТД басқарма төрағасы, академик Е.И. Исламов, Өсімдіктерді қорғау және карантин ҒЗИ ғалымдары Б. Нұрманов, А.М. Рысбекова, Н.Г. Мұхамадиев, Топырақтану және агрохимия ҚазҒЗИ, Орталық Азия экологиясы өңірлік орталығы (RCEECA), Алматы қ. экология ҒЗ орталығының өкілдері (Г.А. Сапаров, А.Р. Ғазизов), Көкөніс шаруашылығы ҚазҒЗИ (С.К. Жантасов), Мал шаруашылығы ҚазҒЗИ (Н.А. Мелдебекова), сондай-ақ «Болашақ» халықаралық бағдарламасының түлектері — Г.Ж. Мырзабекова, М.М. Исекеева, Д.М. Мұхамбетқалиева қатысты.

Жапон тарапы гидропоника мен вертикалды өсірудің инновациялық шешімдерін таныстырды. Атап айтқанда, екі технология қолданылды: DFT (су тереңдігі 10 см) және NFT (су тереңдігі 2 см). Сарапшылардың айтуынша, мұндай жүйелер көкөністерді, жемістерді, ағаштарды, дәнді дақылдар мен дәрілік өсімдіктерді тіпті жері жоқ аумақтарда, соның ішінде шөлді өңірлерде де өсіруге мүмкіндік береді. Сонымен қатар, жапон компаниялары гидропоника технологияларын енгізу және дамыту бойынша тағылымдамалар ұйымдастыруға ерекше мән беріп отыр.

Қазақстандық ғалымдар өз тарапынан еліміздің жағдайына бейімделген гидропоника мен аквапоника тәжірибесін таныстырды. Атап айтқанда, қызылша, микрожасылдық, бұталы ағаштар мен құлпынайды жылыжай кешендерінде өсіру тәжірибесі баяндалды.

Кездесу барысында тараптар өзара ынтымақтастыққа қызығушылық танытып, бірлескен жұмыстың нақты тетіктерін талқылады. Атап айтқанда, инвестиция тарту, тәжірибе алмасу және кадрларды даярлау мәселелері көтерілді. Әңгіме соңында тараптар ұжымдық меморандумға қол қоюға және Жапония инвесторларының қатысуымен жаңа жылыжай технологиялары мен ноу-хауды Қазақстанның агроөнеркәсіптік кешеніне енгізу жөніндегі бірлескен жобаны іске асыруға уағдаласты.

Алматыда ғалымдар мен агробизнес өкілдері кездесті

by Almagul 25.08.2025

2025 жылғы 22 тамызда Алматы қаласында «АӨК экономикасы және ауылдық аумақтарды дамыту Қазақ ғылыми-зерттеу институты» ЖШС базасында «Бақша шаруашылығында кооперацияны дамыту» тақырыбына арналған ғалымдар мен агробизнес өкілдерінің жұмыс кездесуі ұйымдастырылды.

Кездесудің мақсаты – бақша шаруашылығы саласының проблемалық мәселелерін жан-жақты талқылап, бірлесіп практикалық шешімдер қабылдау.

Саланың өзекті мәселелерін шешудегі негізгі бағыттардың бірі ретінде ресурстарды біріктіру, шығындарды азайту, сапа мен рентабельділікті арттыру, сондай-ақ өткізу нарықтарын кеңейту құралы ретінде кооперацияны қарастыру ұсынылды.

Жұмыс кездесуіне – дөңгелек үстелге бақ иелері (шағын және орта шаруашылықтар), экономист-ғалымдар, Ұлттық аграрлық ғылыми-білім беру орталығы (НАНОЦ) салалық ғалымдары мен тәжірибелі мамандар, сала сарапшылары мен бейінді мамандар қатысты.

Кездесуде бақша шаруашылығы саласындағы мынадай өзекті мәселелер мен қазіргі сын-қатерлер жан-жақты талқыланды:

өнімнің өзіндік құны, логистика, өткізу, сапа;

кооперация: бірлескен сатып алу, сақтау және сұрыптау, қайта өңдеу, брендтеу;

мемлекеттік қолдау шаралары мен қаржыландыруға қолжетімділік;

пилоттық бастамалар мен жұмыс тобының құрамы, бастапқы іс-қимыл жоспары.

Қатысушылар бақ алаңдары мен құрылымы, сақтау/сұрыптау/қайта өңдеу инфрақұрылымының қолжетімділігі, өткізу арналары мен олардың тар орындары, сондай-ақ кооперациядан күтілетін нәтижелер жөнінде өз ұсыныстарын білдірді.

Кездесу жұмысына ҰАҒБО активтерді басқару департаментінің директоры – Садыков Серік Төлеубаевич, ҚР Ұлттық аграрлық ғылымдар академиясының президенті, э.ғ.д., профессор, ҚР ҰҒА академигі Есполов Т.И., «ҚазҒЗИЭАӨКжААД» ЖШС басқарма төрағасы – Исламов Е.И., ҚР ҰҒА академиктері, э.ғ.д. Григорук В.В., Молдашев А.Б., Акимбекова Г.У., Жумашева С.Т., Алматы облысы «Қонаев» ӘКК төрағасының кеңесшісі – Омаров К.А., салалық қауымдастықтар мен кәсіпорындардың басшылары – Нармухан Сарыбаев, Емберген Б.К., Жамиев Арман, сондай-ақ «ҚазҒЗИжеміс-көкөніс шаруашылығы», «ҚазҒЗИ қайта өңдеу және тамақ өнеркәсібі» жетекші ғалымдары қатысты.

Кеңеске қатысушылар барлық мүдделі тараптардың өкілдерімен бірлескен жұмыс тобын құру туралы ортақ шешім қабылдады. Оның негізгі бағыты – бақша шаруашылығын «генетикадан бәсекеге қабілетті жеміс-көкөніс өнімдеріне дейін» дамыту. Сондай-ақ бағдарламалық-мақсатты қаржыландыру үшін ғылыми-техникалық тапсырма әзірлеу, аналитикалық зерттеулер негізінде пилоттық аудан мен облысты айқындау, бақша шаруашылығындағы кооперативті инновациялық-экономикалық модельдерге сүйене отырып құрудың жоспар-концепциясын дайындау мәселелерін қарастыру жоспарланды.

Subscribe to our newsletter

Lorem ipsum dolor sit amet, consectetur adipiscing elit. Proin porttitor nisl nec ex consectetur, quis ornare sem molestie.

Жұмыс уақыты: 9:00 - 18:00 (Дс-Жм)