Астанада Қазақстан АӨК-інің болашағы талқыланды
19 ақпанда Астанада С. Сейфуллин атындағы Қазақ агротехникалық зерттеу университеті базасында аграрлық ғылым жетістіктерін өндіріске енгізу және АӨК-ті дамытуға арналған республикалық семинар-кеңес өтті.
Семинарға ғылыми қауымдастық, агробизнес өкілдері, «ҰАҒБО» еншілес ұйымдарының қызметкерлері және облыс әкімдерінің орынбасарлары қатысты.
Жиында ҚазАӨК экономикасы және ауылдық аумақтарды дамыту ҒЗИ басқарма төрағасы Есенбай Исламов талқылауға қатысты. Ол мал шаруашылығында селекциялық-асылдандыру, жемшөп өндірісі, ветеринариялық қызмет, сондай-ақ өнімді сақтау мен бастапқы өңдеу бағыттарында шешімін күткен мәселелер бар екенін атап өтті. Исламов Кешенді бағдарлама мал шаруашылығын қолдауға және саланы индустрияландыруға бағытталғанын, кооперация мен асыл тұқымды қызметтің барлық деңгейде тиімді жұмыс істеуі маңызды екенін айтты.
Ауыл шаруашылығы министрі Айдарбек Сапаров селекция мен тұқым шаруашылығы елдің азық-түлік қауіпсіздігінің негізгі тірегі екенін атап өтті. Министр мемлекеттік қолдаудың күшейтілгенін және субсидия беру кезінде отандық тұқым өндірушілерге басымдық берілетінін айтты. Жиында егістік алқаптарын әртараптандыру, импорт алмастыру және сапалы тұқым өндірісін кеңейту мәселелері де қаралды.
